Zbardhen detajet: Luizi dhe Kiara gati për festën e madhe

Prej muajsh lajmi se Kiara ishte në pritje të ëmbël po qarkullon në rrjetet sociale, transmeton gazeta “Kosova Sot Online”.

Megjithatë, detajet ishin të pakta, duke qenë se çifti kishte preferuar që ta jetonte këtë periudhë larg vëmendjes së madhe të ndjekësve.

Lexoni edhe:

Elsa Lila: Do doja ta kisha nënën edhe sot

E pas shumë indikacioneve që tregon realisht se moderatorja ishte shtatzënë, lajmi më në fund është konfirmuar.

Sipas disa burimeve mediale, thuhet se pak ditë më parë, çifti ka organizuar edhe “gender reveal”, pra festa për zbulimin e gjinisë së foshnjës. Një festë shumë private, ku është zbuluar gjinia e bebes dhe sipas të njëjtit burim thuhet se është vajzë. Festa ka qenë shumë intime dhe çifti ka preferuar që të ketë pranë vetëm rrethin e ngushtë miqësor.

Si Luizi ashtu edhe Kiara kanë zgjedhur që të mos zbulojnë asnjë detaj nga kjo festë në rrjetet sociale. Nga ana tjetër, edhe të ftuarit janë porositur që të mos publikojnë asgjë në rrjetet e tyre sociale.

Megjithatë jo vetëm miqtë e afërt e kishin mësuar këtë lajm, por edhe bashkëpunëtorët dhe stafi me të cilin Kiara punon duket se tashmë e dinin që çifti ishte në pritje të fëmijës së tyre të parë.

1 / 1

(Kosova Sot Online)