Lexoni edhe:
Sabrie Hoti ju këndon 'Heroinave të Kosovës'
Ky është fustani që bëri bujë në 'Golden Globes'
Në ndarjen e çmimeve Golden Globe të së dielës mbrëma, fustani i fildishtë, pa rripa i Gillian Anderson bëri goxha bujë, transmeton gazeta “Kosova Sot Online”.
Pas kalimit të parë në tapetin e kuq, një vështrim më detajist, vuri në dukje detajet që e bënë atë të ketë fustanin më të guximshëm në Golden Globes: vaginat e qëndisura në të.
Duke folur për Deadline në tapetin e kuq të Golden Globes, ylli i Edukimit seksual shpjegoi se e zgjodhi atë për kaq shumë arsye dhe shtoi: Është markë.
Ajo mbante në dorë një çantë dore metalike argjendi nga Aquazzura dhe gurë të çmuar nga Chopard. Veshja shkaktoi debat në mediat sociale me disa përdorues në X që spekulonin zgjedhjen e yllit se ishte një deklaratë e heshtur në mbështetje të të drejtave riprodhuese të grave.
Vetë Anderson shpjegoi për British Vogue se:
“Meqenëse prania ime në Instagram ka nxjerrë në pah yonis (fjala sanskrite për mitrën ose vaginën) që kur ‘Edukata seksuale’ u ul në Netflix dhe me mantrën e markës sime G-Spot për t’i dhënë përparësi kënaqësisë, doja ta sillja këtë element në dizajn. Jam shumë e kënaqur që Gabriela (stilistja) ishte gati për sfidën!”
Dhe ishte një sfidë. Sipas aktores, secilit motiv iu deshën 3.5 orë për të qëndisur, në total rreth 150 orë. Anderson ka shpallur prej kohësh admirimin e saj për krijimet dhe kredencialet e qëndrueshmërisë së markës Gabriela Hearst.
Duke lënë mënjanë këto detaje fustani i Anderson kishte një tjetër shtesë revolucionare në tapetin e kuq. Xhepa.
“Është shumë komode”, tha ajo për Extra TV jashtë hotelit Beverly Hilton në Los Angeles, ku u mbajt ceremonia.
“Ka xhepa në të dyja anët për të mbajtur duart e mia të ngrohta”.
(Kosova Sot Online)
