Lexoni edhe:
Varrimi i Shpat Kasapit, nëna e këngëtarit ngushëllohet nga vizitorë në Tetovë
Motra e Shpat Kasapit: Amanetin për Roelin do ta kryejë
Familjarë, miq dhe bashkëpunëtorë janë mbledhur në Pallatin e Kulturës në Tetovë për t’i dhënë lamtumirën e fundit këngëtarit Shpat Kasapi, transmeton gazeta "Kosova Sot Online".
Në këtë ceremoni për Shpat Kasapin, motra e tij Jehona, e prekur thellë nga dhimbja, nuk mundi t’i mbante lotët.
Ajo tha se Shpati lindi me yll në ballë, e i donte shumë fëmijët e pleqtë.
Derisa theksoi se amanetin e tij për djalin, Roelin do ta kryejë.
“Sot me zëmër të thyer jemi mbledhur për t’i dhënë lamtumirën e fundit vëllait tim, është shumë e vështirë për të përshkruar fjalët për të përshkruar dhimbjet që ndjej. Shpat, shpirti i motrës, ti linde me yll në ballë, ishe një njeri i mirë, dije t’i ndjeje hallet nga empatia jote e madhe. Shpati ti i doje shumë fëmijët dhe pleqtë. Doje shumë të qeshësh, buzëqeshja ishte sinonim i yti” tha Jehona.
(Kosova Sot Online)
