Si ta dalloni mashkullin aventurist?

Ky është ai mashkull që vrapon pas secilit fustan. Porsa ta pushtojë njërën, në objektiv ka tjetrën. Kënaqet duke thyer zemrën e femrës, shtiret se është emocional, trim dhe princ i butë. Ekspertët për marrëdhëniet mashkull-femër janë marrë me këtë fenomen dhe janë pajtuar se është e lehtë të njihen në bazë të disa manifestimeve, transmeton gazeta Kosova Sot.

DUKET IDEAL

Pasi në secilën femër sheh një objektiv, i nevojitet metamorfoza. Pra, kur ta caktojë objektivin, ë vendin e ngjarjes transferohet në mashkullin e përsosur. Sidomos rëndësi ka përshtypja e parë, më pas detajet vijnë në skenë.

LUAN NË KARTËN E ZGJUARSISË

Secili mashkull është i vetëdijshëm se sa pikë të dobët femrat e kanë zgjuarsinë. Kështu që do të tentojë t'ju argëtojë, edhe pse atë moment nuk jeni për të qeshur. Nuk do ta vëreni, e ju do të qeshni me shakatë e tij.

ME KUJDES JU DËGJON TEKSA FLISNI

Studimet tregojnë se femrat rëndë e përjetojnë kur partnerët shpesh e harrojnë atë që një ditë më parë ua kanë rrëfyer që dje. E këtu vjen në skenë aventuristi, i cili me dorën nën mjekër i bën veshtë katër. Atij thuajse gjithçka i intereson dhe thuajse gjithçka dëshiron të dëgjojë për ju.

E TEPRON ME KOMPLIMENTE

Femrave u pëlqen kur meshkujt i lavdërojnë, megjithëse këtë kurrë nuk do ta pranojnë. Dhe, derisa meshkujt përmbahen dhe nuk i thonë, një aventurist i thotë ëmbël dhe nuk i kursen.

MENJËHERË PLANIFIKON TË ARDHMEN

Porsa jeni njohur, e ai planifikon ku do të donte t'ju dërgonte, cilin vend së bashku do ta pushtoni, në cilin plazh do të rreziteni dhe si do të jetë djali juaj kur të rritet.

(Kosova Sot)