Flet babai i Dijamantit: Ja se si m'u vra djali (Foto)
Naim Zabërgja, babai i Dijamantit nga Vushtrria, i cili është në mesin e nëntë të vrarëve në Munich, ka treguar momentet e fundit me djalin e tij.
Duke folur për mediat gjermane, ai ka thënë se djali i tij kishte dalë për pije me shokun e tij, transmeton gazeta Kosova Sot Online.
“Ai ishte me shokun e tij. Shoku i tij më telefonoi për të më lajmëruar se kanë blerë disa pije dhe do të qëndronin diku jashtë”, ka treguar Zabërgja, derisa në dorë mbante fotografinë e djalit të tij dhe një buqetë me lule.
“Vrasësi ishte vetëm dy metra larg tyre. Ai hapi zjarr. Shoku ia doli të ikte kurse djali im u vra në vend. Po jetoj si në makth. Nuk mund ta besoj çfarë ka ndodhur. As familja nuk mund ta besojë këtë”, ka thënë babai i 21-vjeçarit.
Pos, Dijamantit, në këtë sulm u vra edhe Armela Segashi nga Podujeva dhe Sabina Sulaj.
(Kosova Sot)
