Sekuestrohen 2 milionë euro pasuri në Durrës

Rreth 2 milionë euro pasuri, të dyshuara se janë fituar nga aktiviteti kriminal janë sekuestruar me vendim gjykate.

Pasuria i përket një 46-vjeçari, T.S, i dënuar më parë me 12 vite burg për trafikim të lëndëve narkotike.

Janë sekuestruar 25 000 m2 tokë arë, 10 100 m2 pemëtore, 9 njësi tregtare, ambiente të përshtatura për biznese me sipërfaqe totale 580 m2, 22 apartamente me sipërfaqe totale 1780 m2.

Pasuritë dyshohet se janë produkt i veprimtarisë kriminale, kryer nga T.S.. Në total ato llogariten rreth 2 milion euro.

(Kosova Sot)