Çka duhet t’u them atyre që kam kërkuar votën për Shpendin! - Lajme - Kosova Sot
Çka duhet t’u them atyre që kam kërkuar votën për Shpendin!

Çka duhet t’u them atyre që kam kërkuar votën për Shpendin!

Anëtari i Lëvizjes Vetëvendosje, Jusuf Ulaj ka reaguar pas largimit të Shpend Ahmetit nga LVV.

Ai në reagimin e tij, ka pyetur se çka duhet t’u thotë tash votuesve që ua kishte kërkuar votën për Shpend Ahmetin.

Sipas tij, ata votues nuk janë të paktë dhe se kërkojnë një përgjigje.

Reagimi i plotë i Jusuf Ulajt:

Shpendi nuk është kandiduar si emër i përvecëm por është nominuar nga Lëvizja VETËVENDOSJE! për të garuar dhe udhëhequr më kryeqytetin e RK. Të gjithë bashkarisht e maksimalisht kemi punuar dhe angazhuar që ai të vjen aty ku është për momentin duke besuar se do të zbaton konceptin e qeverisjës së LVV.

Në këtë koncept kanë besuar të gjithë ata që e votuan. Dorëheqja nga subjekti politik që ia mundësoj këtë nuk ka të bëjë fare më neutralitetin, respektin, përgjegjësinë, parimet, etikën. Më keqardhje e them, por kam bindjen se ka të bëjë më tepër më finalizimin e projektit të përmbushjes së ego ambicjeve të grupit dhe jo vetëm, duke shfrytëzuar projekcionin si metodë për të fajësuar e dëmtuar LVV.

Lufta e sinqertë në të mirë të Lëvizjes bëhet brënda strukturave ku je pjesë e tyre e jo nga distanca e permës mediave. Kjo mundësi nuk është shfrytëzuar. Pse dhe kush qëndron pas krejt këtyre lojërave të kqija për vendin do e marrim vesh më vonë.

Cka duhet t’u them atyre që kam kërkuar votën për Shpendin?. Ata nuk janë të paktë dhe normal që do të kërkojnë përgjigje.

(Kosova Sot)

18 orë e 9 minuta më parë
23/06/18