HERTICA: KOSOVA U SOLL NË MJERIM SOCIAL NGA PUSHTETARËT PLAÇKITËS

Analisti Ali Hertica për gazetën "Kosova Sot" theksoi se skena politike kosovare aq shumë është bastarduar, saqë në këndvështrimin qytetar të gjitha partitë janë bërë të njëjta, në mungesë të një konkurrence të mirëfilltë politike dhe një shoqërie civile që ka humbur shpresën."Në rrethanat e krijuara politike, pa një alternativë të re politike, zgjedhjet e parakohshme jo vetëm që nuk do të sillnin diçka të mirë për vendin, por do të prodhonin vetëm vazhdimin e bastardimit tërësisht të degraduar nga bandat dhe politikanet e inkriminuara në të gjitha krimet më ordinere në shoqërinë kosovare. Sepse në krye të shtetit erdhën profiterët e luftës, bashkë me profiterët e paqes, të cilët e kanë sjellë gjendjen e mjerimit social. E kanë shndërruar Kosovën në pronë private. Kështu që qytetarët të vetmen shpresë për një jetë më të mirë po e kanë të gjejnë mënyra për të ikur sa më shpejt e sa më larg Kosovës, duke ikur nga shteti i bastarduar, nga politikanët e subjekteve politike ku shteti është i kapur nga mafio-politikanët sundues e mafio-oligarkët zhvatës të buxhetit dhe aseteve të shtetit", theksoi për "Kosova Sot" analisti Ali Hertica 

(Kosova Sot)