Zjarrfikësit të vendosur për protestën e nesërme

Zotimet e kryeministrit, Ramush Haradinaj se zjarrfikësit së shpejti do shndërrohen forcë në vete, nuk i kanë bindur zjarrfikësit që të zmbrapsën nga protesta e paralajmëruar për ditën e enjte.

Kryetari i Sindikatës së Zjarrfikësve, Muharrem Beka ka konfrimuar për KosovaPres mbajtjen e protestës për nesër duke filluar nga ora 11:00 para Qeverisë së Kosovës.

Si kërkesa kyçe drejt institucioneve shtetërore të këtij shërbimi emergjent janë nivelizimi i koeficienteve në nivel komunash, nivelizimi  i rrezikshmërisë së punës me Policinë e Kosovës, të kompensohen ndërrimet e natës, festat shtetërore, fetare dhe orët jashtë orarit, të përmirësohen kushtet e punës, të sigurohen pajisje dhe mjete për punë.

Kryetari i Sindikatës së Zjarrfikësve, u shpreh se deklaratën e kryeministrit e kanë dëgjuar me vëmendje, por mbesin prapa vendimit për protestë,  pasi që kërkesat e tyre  kyçe po vazhdojnë të neglizhohen në vazhdimësi.

Ndonëse nga Ministria e Financave, ka marr premtimin se koeficienti i pagës për zjarrfikësve do të ngritët në 6,  kryesindikalisti nuk është i kënaqur pasi thotë se me hyrje në fuqi të Ligjit të Pagave ata kthehen përsëri në gjendjen e njëjtë.
 Beka tutje u shpreh se si shërbyes jetik për interesin e qytetarëve ndihen të anashkaluar nga institucionet e vendit.

 

(Kosova Sot)