Qeveria: Opozita synon zhbërjen e shtetit përmes revolucionit

Zëdhënësi i qeverisë së Kosovës, Arban Abrashi, thotë se përkundër kërkesës së opozitës për tërheqje të nënshkrimit të kryeministrit Isa Mustafa nga marrëveshjet e fundit në Bruksel, kjo nuk do të ndodhë asnjëherë.

Ai ka hedhur akuza të rënda në drejtim të rëndë drejt Vetëvendosjes, duke thënë se është “një organizatë politike që nuk e njeh shtetin e Kosovës prandaj dëshiron ta dërgojë drejt revolucionit”.

“Kemi përcjellur me vëmendje zhvillimet e fundit. Nënshkrimet në marrëveshje duhet të shiqohen nga prizmi i marrëveshjeve ndërkombëtare. Këto marrëveshje kanë ardhur si derivat i ligjit që ka të bëjë me normalizim të marrëdhënieve me Kosovën dhe Serbinë. Këto po shfrytëzohen nga opozita, për një kauzë tjetër. Po akuzohemi nga një organizim politik që nuk e njeh shtetin e Kosovës. Kjo ka të bëjë me një kauzë tjetër, që ka të bëjë zhbërja e shtetit, apo revolucioni”, ka thënë Abrashi.