Mulaj: AKI-ja të merret me kryespiunin kosovar
Analisti politikë Isa Mulaj në një prononcim për gazetën Kosova Sot Online, tha se AKI-ja duhet të marrë seriozisht me kryespiunin kosovarë të francezëve.
"Për një kohë të gjatë, sidomos gjatë gjithë kësaj krize politike, AKI-ja ka qenë shumë pasive dhe nuk vërehet se ka ndërmarrë ndonjë masë në mbrojtjen e interesave dhe sigurisë së Kosovës. Pikërisht AKI-ja është dashur moti t'i analizojë veprimet e Thaçit, të cilat kanë shkuar në dëme të drejtpërdrejta të Kosovës. Vetë fakti se Shërbimi Sekret Francez (DGSE) del edhe publikisht pas akuzave informale nga një ish-përfaqësues i LPK-së se kryespiuni francez, Arnaud Danjean, është mik i ngushtë i Hashim Thaçit, e ka diskredituar ekzistencën e AKI-së”, tha Mulaj.
“Ai ka pohuar se është për keqardhje që më shumë informata rreth asaj se çka ndodh në Kosovë mund të sigurohen nga burimet e huaja dhe individët jopolitikë brenda Kosovës se sa nga AKI-ja dhe kjo gjendje e bën AKI-në një lloj agjencie të injorancës", shtoi analisti politik, Isa Mulaj për gazetën Kosova Sot Online.
(Kosova Sot)