Gruaja që u dhunua 40.000 herë brenda 10 vjetësh
Një grua e re u mashtrua dhe pa dëshirë u fut në botën e prostitucionit, falë mashtrimit që ia bëri i dashuri i saj, “një princ sharmant”, i cili më pas për dhjetë vjet të tëra e detyroi që të merrej me prostitucion. Ajo tregon se si gjatë dhjetë vjetëve ishte dhunuar rreth 40,000 herë, duke i siguruar kështu makrosë së saj një pasuri prej 1.2 milion dollarësh, duke e shitur trupin e saj. Alejandra Rodriguez nuk ka hezituar që të flasë për “MailOnline”, me qëllim që t’ua tërheqë vërejtjen grave të tjera të trafikuara, se si ajo ishte dhunuar deri në 60 herë në ditë. Ajo tregon një rast kur një “klient”, derisa e dhunonte, ia mbante revolen e futur në gojë dhe se si ajo e kishte lutur atë që ta tërhiqte këmbëzën e revoles, me qëllim që t’i jepte fund jetës së saj të mjerë, transmeton gazeta Kosova Sot Online.
U detyra ta shiste trupin
Ankthi i Alejandra-s filloi kur ajo kishte vetëm 19 vjeç dhe kur ishte dashuruar me një njeri të quajtur Francisco, i cili pas vetëm tetë ditësh, i kishte thënë se e donte dhe se donte të martohej me të.
Francisco e bindi atë që të shkonte e të jetonte me prindërit e tij në Tenancingo, Meksiko. Por, ky ishte mashtrim. Sapo ata arritën në atë vend, Francisco ndryshoi dhe e mbylli, duke mos e lënë që të dilte. Më pas ai e çoi Alejandra-n në qytete të ndryshme të Meksikës dhe SHBA-së që ta shiste trupin e saj.
E kishin rrahur keq, vetëm pse kishte biseduar me një klient
Alejandra është vetëm një nga mijëra vajza të tjera të trafikuara në Tenancingo, një qytet të vogël meksikan, ku shtëpitë e mëdha dhe veturat luksoze, që të gjitha janë blerë me anë të eksploatimit seksual, transmeton gazeta Kosova Sot Online.
Në intervistën e saj të parë prej se ka ikur, dy vjet më parë, Alejandra tregon se si e kishin rrahur keq, vetëm pse kishte biseduar me një klient, në vend që t’i bindej verbërisht atij.
Francisco merrte nga 30 dollarë nga çdo klient që “flinte” me Alejandra-n, por kjo e fundit kurrë nuk kishte marrë asnjë qindarkë nga këto para edhe pse “punonte” 14 orë në ditë.
Besohet se mafia e Tenancingos është përgjegjëse për rreth 60% të trafikimit të seksit në Amerikën veriore.
(Kosova Sot)