Braçe zbardh të vërtetën: Ja për kë ishin thasët me pleh që Berisha akuzoi për parcelat në hashash
Deputeti i Partisë Socialiste, Erjon Braçe nuk është tërhequr nga qëndrimi i tij në lidhje me ish kryeministrin Sali Berisha dhe denoncimet që ai bërë një ditë më parë në seancën plenare.
Pikërisht për një akuzë për banorët e Divjakës, reagoi edhe deputeti i kësaj zone, Braçe, i cili zbardh të vërtetën se ku kanë shkuar thasët me pleh që Berisha tha se ishin për tu dërguar në parcelat me hashash. Ja çfarë shkruan deputeti i PS-së në Facebook.
Statusi
Mbylle gojën mashtruesi Sali Berisha. Dje as qe e dëgjova, qysh kur tha se kishte ndërtuar emisarin e Myzeqesë! Sot në Grabian me thanë se dje paska thënë: "Sot (dje), nga Tre Urat e bashkisë Divjakë, kanë dalë 40 kamionë me pleh organik për në Vlorë me qëllim plehërimin e plantacioneve të hashashit"!!
Sot, njerëzit në Tre Ura ishin të llahtarisur.
Unë e kuptoj që ka kohë që Sali Berisha, një kriminel digjital, sajon, shpif, fyen, sulmon Divjakën dhe popullin e saj. Por kjo e djeshma është e rëndë.
Në Tre Ura (më afër Lushnjes së Divjakës),
ka një fermë blegtorale në pronësi të shtetasit Ndini Ndoni.
Ndini Ndoni është ish kandidat për deputet dhe jo vetëm, i Sali Berishës, kundërshtar publik me Partinë Socialiste dhe çdo kandidat të saj.
Nëse Sali Berisha beson vërtetë se nga Tre Urat kanë dalë 40 kamionë me pleh organik, atëherë akuza i shkon drejtpërdrejtë mbështetësit të tij.
Por unë jam i bindur që Sali Berisha as që e ka ditur këtë, Sali Berisha e ka gjithçka si sulm të lidhur me Divjakën dhe popullin e Divjakës.
Nëse do e kish ditur pronësinë e Ndin Ndonit mbi plehun,
do shpikte një fshat tjetër.
Unë nuk kam pikë dyshimi që Sali Berisha gënjen!!
Pikërisht se është kështu kam dyshimin e fortë se;
Fshatari digjital që ka informuar Sali Berishën,
ka derdhur mbi te një informacion banal në funksion te fiksimit të tij të hershëm e të përbashkët me atë të Sali Berishës: Sulmin dhe varjen publike të çdo myzeqari apo "lale" siç i quajnë këta plehra!!
(Kosova Sot)