Klubi kosovar njofton "nesër kemi lojë", lojtari: Unë nuk vi, më ka dalë viza
Në futbollin kosovar kemi menduar se kemi parë e dëgjuar gjithçka.
Por, si duket kjo nuk qëndron.
Dje ka ndodhur diçka që rrallë shihet tek ne.
Klubi i Futbollit, Ratkoci, që garon në Ligën e Dytë të futbollit kosovar, ka njoftuar lojtarët në Facebook për lojën e ardhshme që do të zhvillohet të nesërmen e ku pret që lojtarët të jenë në stadium.
"Nesër të gjithë lojtarët duhet të jeni në stadium në ora 14 e 30, ku do të zhvillojmë ndeshjen e radhës kundër KF Behari, me fillim nga ora 15 e 30,ka shkruar klubi.
Por, një nga lojtarët e klubit, Egzon Hoti, i ka zhgënjyer tifozët, duke komentuar "Zyrtare: Unë nuk vi, më ka dalë viza". Klubi ia kthen lojtarit "suksese" dhe këtu përfundon historia.
(Kosova Sot)
