Lexoni edhe:
Humbjet i kushtojnë shtrenjtë Shqipërisë, bie përsëri në renditjen e FIFA-s
Super përballjet e gjysmëfinaleve në Ligën Unike
Sot është dita e gjysmëfinaleve në Final 8 Liga Unike, transmeton "Kosova Sot Online ".
Në gjysmëfinale do të përballen katër skuadrat nga Kosova, që në çerekfinale shënuan fitore ndaj atyre të Shqipërisë.
Njëherësh këto katër skuadra janë edhe katër vendet e para në Superligën e Kosovës, andaj priten sfida shumë interesante dhe rivalizuese.
Përballja e parë do të jetë Golden Eagle Ylli-Peja, apo ish-kampioni dhe kampioni aktual i Ligës Unike. Therandasit kishin fituar në edicionin e parë dhe historik, derisa pejanët triumfuan në edicionin e fundit. Dy skuadrat verdhezi premtojnë spektakël të basketbollit në Vlorë, ku po zhvillohet ky event i basketbollit mbarëshqiptar. Dueli tjetër pritet të jetë edhe më interesant mes Trepçës dhe Sigal Prishtinës, dy skuadra rivale të basketbollit të Kosovës, që e duan trofeun për herë të parë në histori të klubit. Të katër skuadrat duan kalimin në finale, si dhe trofeun e çmuar.Ndeshja për vendin e tretë dhe finalja zhvillohen të dielën.
(Kosova Sot Online )
