Lexoni edhe:
Kërcënimet dhe dezinformatat: Lufta e vazhdueshme e ‘kuzhinierit të Putinit’ ndaj medies së lirë
Kritiku i Putin shpëton nga helmimi: Pritet të dalin në dritë detaje të reja shokuese rreth ngjarjes
Lideri opozitar rus Alexei Navalny është në gjendje stabile pas asaj që dyshohej si helmim, tha një nga zëdhënësit e tij
Navalny u vizitua nga gruaja e tij, Yulia Navalnaya, dhe një ndihmës i lartë në një spital të Berlinit ku po mjekohet nga mjekët gjermanë.
Familja dhe mjekët e tij nuk do të komentojnë për sëmundjen e tij apo trajtimin ndërsa ata presin rezultatet e testeve të gjera diagnostikuese, megjithëse korrespondenti i Sky News tha se ”do dëgjojmë gjëra të reja në ditët që vinë”.
Politikani dhe hetuesi i korrupsionit, i cili është një nga kritikët më të ashpër të Presidentit rus Vladimir Putin, u mor në kujdesin intensiv në qytetin siberian Omsk të enjten pasi u sëmur gjatë një fluturimi nga Tomsk për në Moskë.
Ai u dërgua në Gjermani për trajtim të mëtejshëm pasi mjekët thanë se ai ishte mjaft i qëndrueshëm për t’u transferuar.
Përkrahësit besojnë se Navalny iu dha çaji me helm, dhe se Kremlin do të fajësohet si për sëmundjen e tij, ashtu edhe për vonesën në transferimin e tij jashtë shtetit.
Kritikët sugjerojnë se vonesa në transferimin e Navalny ishte për t’u siguruar që helmi ishte i padukshëm nga koha kur u ekzaminua nga mjekët gjermanë.
Kremlini ka mohuar që vonesa të ishte politike dhe tha se ishte thjesht një vendim mjekësor.
Navalny është arrestuar shpesh nga zbatimi i ligjit dhe u sulmua nga disa burra që hodhën antiseptik në fytyrën e tij në 2017.
Vitin e kaluar, përkrahësit e tij dyshuan se ai ishte helmuar në burg ndërsa vuante një dënim me akuzën e shkeljes së rregullave të protestës.
Mjekët në atë kohë thanë që ai kishte pësuar një reagim të rëndë alergjik dhe e dërguan përsëri në paraburgim të nesërmen.
(Kosova Sot Online)
