Lexoni edhe:
Po e mashtrojnë popullin, as me këtë qeveri nuk do të arrihet liberalizimi i vizave!
Studimi: Ilaçi për mace mund të ndihmojë në luftimin e koronavirusit
Një lloj i ilaçeve, i dizajnuar për macet, mund të mbrojë njerëzit nga koronavirusi, sipas shkencëtarëve.
Medikamenti, i njohur si GC376, është bërë për trajtimin e sëmundjes së quajtur peritoni infektiv tek macet, i cili shfaqet në zorrë dhe mund të përhapet deri në tru, duke qenë kështu fatal, shkruajnë mediet brtianike.
Peritoni infektiv shkaktohet nga një lloj tjetër i koronavirusit, por studiuesit thanë se, meqë funksionon si antiviral kundër koronavirusit, medikamenti duhet të nise provat klinike.
Aktualisht, nuk ekziston ndonjë medikament i cili mund të mbrojë njerëzit nga koronavirusi.
Anivive, prodhuesi i ilaçit, ka aplikuar tashmë në Administratën e Ushqimit dhe Barnave (FDA) në SHBA për fillimin e testimit të trajtimit në njerëz.
Studiuesit, nga Universiteti i Albertës në Kanada, mësuan se ilaçi i maceve bllokonte një enzimë të prodhuar nga një virus i quajtur koronavirus enterik i maces (FCoV). Duke qenë kështu, medikamenti parandalon virusin nga riprodhimi.
FCoV, virusi i maceve, bën pjesë në familjen e koronavirusëve, i cili ka strukturë të ngjashme me atë që ka shkaktuar pandeminë, të njohur si SARS-Cov-2.
(Kosova Sot Online9
