Lexoni edhe:
Deputeti i LDK’së thotë se nuk është fundi i botës nëse AAK largohet nga koalicioni
Përplasjet LDK-AAK, Latifi thotë se presioni ndaj Hotit do të vazhdojë
Profesori në Universitetin e Prishtinës, Blerim Latifi, ka folur për mospajtimet në mes të partnerëve të koalicionit. Sipas tij gjithçka filloi për postin e presidentit dhe do të vazhdojë derisa kjo çështje të mbyllet.
“Ka një situatë kur AAK e mban tërë kohën qëndrimin kritik ndaj zhvillimeve të brendshme në qeveri dhe kryeministrit Hoti”, thotë Latifi.
Sipas Latifit “kjo përplasje e vazhdueshme” lidhet me ndarjen e pushtetit pas lidhjes së koalicionit qeverisës
“Kjo përplasje e vazhdueshme a është përplasje për politika apo ka të bëjë më shumë me dyshimet dhe mospajtimet që kanë të bëjnë më ndarjen e pushtetit”, tha Latifi.
“I gjithë konflikti për mendimin tim lidhet me faktin se ideja e Haradinajt për president nuk ka gjetur mbështetje në LDK”, shtoi ai.
“Për mendimin tim e gjithë lufta në thelb e saj ka të bëjë me postin e presidentit…AAK nuk do ta lë të qetë LDK’në derisa nuk e ka një përgjigje të qartë për postin e presidentit”, tha ai.
(Kosova Sot Online)
