Lexoni edhe:
Hajnat ia vjedhin pejanit 80 koshere me bletë
Fillimi i vitit të ri shkollor, Zemaj takohet me ministrin Likaj
Ministri i Shëndetësisë, Armend Zemaj së bashku me Ministrin e Arsimit, Ramë Likaj kanë diskutuar për fillimin e vitit të ri shkollor.
Në Facebook Zemaj ka shkruar se fillimi i mësimit duhet të organizohet në mënyrën e duhur në këto rrethana të krijuara nga pandemia COVID-19.
Sipas tij, të gjitha vendimet e nevojshme do të merren në konsultim me Ministrinë e Shëndetësisë, IKShPK-në, Ministrinë e Arsimit dhe institucionet tjera relevante.
“Do të vazhdojmë përpjekjet e përbashkëta dhe koordinimin ndërinstitucional. Ne po ndërmarrim të gjitha masat dhe po bëjmë përgatitjet e duhura që procesi mësimor të nis sipas planit të paraparë, duke respektuar masat mbrojtëse kundër virusit dhe të gjitha protokollet e sigurisë së shëndetit”, ka shkruar ministri Zemaj.
(Kosova Sot Online)
