Zeka: S’e ka pranuar publikisht, por Xhavit Haliti është intervistuar nga Gjykata Speciale

  • A.P /
  • 28 September 2020 - 21:11
Zeka: S’e ka pranuar publikisht, por Xhavit Haliti është intervistuar nga Gjykata Speciale

Organizata e Veteranëve të Luftës së UÇK’së ka këshilluar ish-ushtarët që të heshtin para Prokurorisë në Hagë. Kjo për faktin se ata nuk e pranojnë Gjykatën Kushtetuese.

Por kështu nuk kanë vepruar të gjitha ata që janë ftuar. Të paktën sipas Milaim Zekës.

Ai ka treguar se janë të shumtë ata që janë intervistuar, disa prej të cilëve aktualisht janë  zyrtarë të lartë institucional.

“Kanë folur edhe disa veteranë bile njëri është strukturë e lartë në policinë e Kosovës, shumë strukturë e lartë e policisë edhe atë e kanë marrë në pyetje dy ditë dhe atë kur u kthy këtu i kanë thënë disa politikanë: Çka fole në Hagë? Ai ka thënë; CD’në e kam në xhep’, shpjegoi Zeka.

“Është tjetër muhabet se çka kanë deklaruar”, tha Zeka sipas të cilit, nga Specialja është intervistuar edhe Xhavit Haliti.

“Vazhdimisht Xhavit Haliti ka deklaru në studio, ka thënë se unë s’jam shku në pyetje …unë po të tham se u kon, e kanë marrë në pyetje. Disa e kanë mbajt sekret, disa janë kanë, janë marrë në pyetje dhe e kanë mbajt sekret’, shtoi ai.

Por ku është intervistuar Xhavit Haliti?

“E kanë marrë në Hagë. S’e ka pranuar publikisht asnjëherë por unë po të them se e kanë marrë në pyetje dhe është çështje personale e disa njerëzve që nuk kanë dasht me e bo publike”, tha Zeka.

(Kosova Sot Online)