Lexoni edhe:
Avokati i Labinot Grudës: Klienti im është i befasuar, nuk ka prova se ai i ka “avulluar” 2 milionë eurot
Detaje për 4 transaksionet nga Thesari, cila është shuma e tyre dhe sa njerëz po hetohen
Katër herë me radhë, zyrtari i Thesarit dyshohet se ka transferuar 2,077,995.90 eurot e shtetit në llogari të kompanisë “LDA Group” me bazë në Llapushnik të Drenasit, pronarët e së cilës ndodhen në arrati. Këto para ishin transferuar pjesë-pjesë.
Media mëson nga burime të sigurta se në llogarinë e “LDA Gruoup” fillimisht ishin transferuar 622 mijë euro, herën e dytë 375 mijë, pastaj 330 mijë dhe për herë të fundit 750 mijë euro.
Burimet bëjnë të ditur po ashtu se hetimi për këtë vjedhje përfshin 40 njerëz, të cilët në forma të ndryshme e kanë realizuar skandalin më të madh të viteve të fundit.
Skandali i vjedhjes së mbi dy milionë eurove nga buxheti i shtetit është planifikuar mbi një strategji që gjeti zbatim për 8 minuta, sipas dosjes së Prokurorisë Themelore të Prishtinës.
Në kërkesën për caktimin e paraburgimin ndaj të arrestuarit Labinot Gruda, Prokuroria ka treguar se në Ministrinë e Financave, Labinot Gruda për 8 minuta kishte krijuar usera fiktivë që do të duhej të dukeshin si të ishin të punëtorëve të këtij dikasteri, e që do t’i mundësonin pastaj që kundërligjshëm t’i transferonte 2,077,995.90 euro në llogari të kompanisë “LDA Group” me bazë në Llapushnik të Drenasit, pronë e Kadri dhe Valon Shalës, të cilët janë arratisur.
Për të arrestuarin e vetëm për këtë rast, zyrtarin e Thesarit, Labinot Gruda, Gjykata Themelore e Prishtinës ka caktuar masën e paraburgimit prej 30 ditësh.
(Kosova Sot Online)
