Lexoni edhe:
Shteti tregon pse i dërguan hajnit letrën për kthimin e 2 milionë eurove
Të mërkurën, disa ditë pas aksidentit që ndodhi në Gjermani, afër kufirit zviceran, është kryer në Kosovë ceremonia e varrimit të viktimave nga Schaffhauseni: Z.K. (35), djalit të tij F.K. (12) dhe nipit B.K. (18).
Gazeta 20 minuten shkruan për varrimin.
Shteti tregon pse i dërguan hajnit letrën për kthimin e 2 milionë euroveLexoni edhe:
Siç është raportuar tashmë, gjatë kthimit nga pushimet në Kosovë, makina kishte rrëshqitur pak para kufirit me Zvicrën dhe qe përplasur ballë për ballë me një kamion.
Në aksident, tragjedisë i mbijetuan nëna 35 vjeçe dhe vajza 11 vjeçe.
Ceremonia e varrimit u zhvillua në Kosovë të mërkurën pasdite. Dhembja për goditjen që pësoi familja, është e madhe: Sipas M.I. (24), një mik i familjes, të paktën 50 miq nga Zvicra kanë udhëtuar në Kosovë për të marrë pjesë në varrim.
“Atmosfera është shumë e tensionuar dhe e trishtuar. Gjithnjë e më shumë njerëz po mblidhen”, thotë M. pak para se të fillojë ceremonia e varrimit.
Së bashku me nënën, vajzën dhe të afërmit e tyre, rreth njëmijë njerëz u thonë lamtumirë të dashurve të tyre, përcjell albinfo.ch.
Kryetari i komunës dhe politikanë të tjerë po ashtu kanë marrë pjesë në ceremoni.
Pjesëmarrësit në varrim kanë vendosur sende personale në varret e të ndjerve. Veç luleve, edhe një makinë lodër për B., i cili kishte shpresuar që më në fund të mësonte të ngiste makinën…
Edhe media të ndryshme vendore kanë raportuar nga ceremonia e varrimit
“U është dhënë lamtumira e fundit tre anëtarëve të familjes Krasniqi të cilët në mënyrë tragjike si pasojë e një aksidenti në Gjermani, humbën jetën disa ditë më parë”.
Zaim, Bleon dhe Flori Krasniqi u përcollën në banesën e tyre të fundit, në varrezat e fshatit Rahovicë të Ferizajt në një ceremoni mortore në të cilën morën pjesë familjarë, miq të shumtë.
Të tre pjesëtarët e familjes Krasniqi vdiqën pas një aksident trafiku që kishte ndodhur në autostradën federale 31 mes lokaliteteve Uhlidngen-Muhlhofen dhe Meersburg, ndërsa po ktheheshin për në Zvicër”.
(Kosova Sot Online)