Lexoni edhe:
Ministri Veliu i ankohet BE’së: Serbia po ushtron dhunë ndaj migrantëve në afërsi të Preshevës
Një pedofil, i cili dikur punonte për organizatën “Save the Children” dhe që ishte dëbuar nga Britania një dekadë më parë, është dënuar me vdekje në atdheun e tij, në Pakistan.
Sohail Ayaz u dënua me vdekje të mërkurën pasi policia pakistaneze tha se ai është rrëfyer për dhunimin seksual të 30 fëmijëve në vendin e lindjes, shkruan Daily Mail.
Zyrtarët thanë se kanë gjetur dhjetëra mijëra video dhe fotografi pornografike të fëmijëve në kompjuterët që i përkisnin këtij burri.
Në vitin 2008, ky person ishte punësuar në organizatën “Save the Children” e cila ka mision të kundërt me atë që ka bërë monstrumi. Kjo organizatë merret me mbrojtjen e fëmijëve në mbarë botën.
Në vitin 2009, ai ishte arrestuar në selinë kryesore të organizatës dhe ishte dënuar me vetëm katër vjet burgim pasi kishte pranuar se e ka dhunuar një djalë 14 vjeç.
Policia britanike i kishte gjetur në shtëpi fotografi edhe të foshnjave 6-muajshe si dhe fotografi të adoleshentëve të lidhur ose me sy të mbyllur.
Ai u arrestua në nëntor të vitit të kaluar në Pakistan pas dyshimeve për dhunimin e një djali 13 vjeç në një rast të tmerrshëm që kishte zgjatur katër ditë.
Ayaz, që në Pakistan punonte si këshilltar qeveritar, e kishte incizuar aktin e vet dhe e kishte shpërndarë videon në një rrjet të pedofilëve.
Gjatë marrjes në pyetje, zyrtarët thanë se pedofili ka pranuar që i ka rrëmbyer dhe dhunuar seksualisht 30 fëmijë të tjerë në qytete të ndryshme të Pakistanit.
(Kosova Sot Online)