Lexoni edhe:
Haradinaj: BE po e përkdhel Serbinë, nuk e tha asnjë fjalë për varrezat masive
Mësuesi “vrau dhe hëngri burrin me të cilin doli në takim”
Një ngjarje shokuese ka tronditur Gjermaninë, ku në një park në veri të Berlinit janë gjetur eshtrat e një viktime më 8 Nëntor. Policia ka arrestuar sot autorin e dyshuar, Stefan R. 41 vjeç, një mësues matematike.
Ekspertët mjeko-ligjor arritën në konkluzionin se eshtrat i përkisnin 44-vjeçarit që u zhduk dy muaj më parë. Autoritetet thanë se një kockë ishte komplet e shkëputur nga mishi, gjë që i bëri të dyshonin për krim kanibalist ndaj viktimës.
Vrasësi i dyshuar ishte anëtar i grupeve virtuale të krijuara për të tilla tematika.
Viktima ishte një inxhinier elektrik, i cili pasi la apartamentin e tij pak përpara mesnatës së 5 Shtatorit, u raportua i zhdukur nga personat me të cilët ndante shtëpinë.
Mediat gjermane po krahasojnë këtë rast me atë të Armin Meiëes, gjermanit i cili në 2006 u dënua me burgim të përjetshëm për kanibalizëm.
Ai e takoi viktimën e tij në një grup virtual me njerëz të interesuar në kanibalizëm. Filmoi vrasjen, dhe sipas hetimeve të prokurorisë, Meiëes 44 vjeç, vrau viktimën e tij, një 43-vjeçar, për kënaqësinë e tij seksuale. Pra njësoj si ky rast, besohet se dhe kjo viktimë është vrarë për po të njëjtin motiv.
(Kosova Sot Online)
