Lexoni edhe:
Kosova po rrezikohet seriozisht nga aleanca ushtarake serbo-ruse, të përgatitemi me aleatët për një ushtri serioze operacionale
Deputeti i Partisë Demokratike të Kosovës, Sejdi Hoxha, ka thënë sot në një konferencë për media se Qeveria e Kosovës ka dështuar të menaxhojë pandeminë në shkollat e Kosovës duke mos ofruar masa mbrojtëse ndaj COVID-19, ku si pasojë, shumë shkolla u mbyllën e shumë nxënës e mësimdhënës u infektuan me virus.
Ai tha se shumë shkolla nuk u furnizuan nga Qeveria me dezinfektues dhe nuk u bë dezinfektimi i hapësirave shkollore.
Deputeti Hoxha po ashtu theksoi faktin se Qeveria Hoti, njësoj si Qeveria e Albin Kurtit po dështon në ofrimin e mësimit online, ku nxënësit kosovarë sipas tyre, po humbin komplet një vit shkollor duke shikuar vetëm ligjërata të përsëritura në televizion.
Ai tha se përveç dështimit të plotë në organizimin e mësimit në pandemi, Qeveria aktuale po i polotizon tërësisht bordet e Universiteteve dhe për këtë paralajmëroi thirrjen e ministrit të Arsimit në përgjegjësi parlamentare.
(Kosova Sot Online)