Lexoni edhe:
Pas padisë së Rashit Qalajt, gjykata e bllokon konkursin për drejtor të ri të Policisë
Kina e ka rikonfirmuar përkrahjen e saj për çështjen e Palestinës dhe për kthimin e të drejtave legjitime për popullin palestinez.
Gjatë një konference për gazetarë të mërkurën, zëdhënësja e Ministrisë së Jashtme të Kinës, Hua Chunying, tha se vendi i saj beson që çështja palestineze është e rëndësishme për paqen dhe stabilitetin rajonal, drejtësinë ndërkombëtare dhe ndërgjegjen njerëzore.
Pas padisë së Rashit Qalajt, gjykata e bllokon konkursin për drejtor të ri të PolicisëLexoni edhe:
“Komuniteti ndërkombëtar duhet të qëndrojë pas së drejtimit të duhur të “zgjidhjes me dy shtete” dhe të përpiqet që ta promovojë procesin e paqes në Lindjen e Mesme mbi bazën e rezolutave përkatëse të Kombeve të Bashkuara, parimin e “tokës për paqe” dhe konsensuseve tjera ndërkombëtare”, tha kjo zyrtare.
Ajo shtoi se Pekini e ka ndjekur për së afërmi çështjen palestineze dhe i ka përkrahur përpjekjet që lidhen me zgjidhjen paqësore të çështjes, shkruan Anadolu.
“Si anëtare e përhershme e Këshillit të Sigurimit dhe si vend i përgjegjshëm, Kina ka vullnet që ta vazhdojë punën me komunitetin ndërkombëtar për përpjekje për realizim të hershëm të një zgjidhjeje gjithëpërfshirëse, të drejtë dhe afatgjate për çështjen palestineze”, shtoi zëdhënësja e Ministrisë së Jashtme të Kinës.
Ajo gjithashtu njoftoi se Kina do të vazhdojë të ofrojë asistencë për Palestinën në luftën kundër pandemisë.
(Kosova Sot Online)