Lexoni edhe:
Arbërie Nagavci tha se një deputet i infektuar po merr pjesë në seancë, reagon Daut Haradinaj
Zëvendëskryeministri Selmanaj nuk merr pjesë në seancë
Zëvendëskryeministri i Kosovës, Driton Selmanaj nuk është duke marr pjesë në seancën e sotme të Kuvendit ku pritet të votohet Ligji për Rimëkëmbje Ekonomike.
Lëvizja Vetëvendosje pati paralajmëruar se do ta parandalojnë hyrjen e tij në seancë për shkak të deklaratave të tij ndaj deputetes Saranda Bogujevci.
Prezent në seancë janë zv/kryeministri Besnik Tahiri dhe Albulena Balaj Halimi, por jo edhe Selmanaj, vendi i të cilit është bosh.
Gjatë ditës së djeshme ndërkaq, ishte pikërisht Selmanaj që i kërkoi falje deputetes së VV-së, Saranda Bogujevci, përplasje me të cilën kishte shkaktuar nervozizëm në partinë e Kurtit.
Në ndërkohë Bogujevci pati thënë që deklarata e Selmanajt e ka fyer me shumë se çdo gjë tjetër.
(Kosova Sot Online)
