Lexoni edhe:
Lista Serbe gjobitet me 20 mijë euro
Momenti kur Shpejtim Bulliqi ia le dorën zgjatur Nexhmi Rudarit
Kryetari i zgjedhur i Komunës së Podujevës, Shpejtim Bulliqi, sot e ka pranuar edhe zyrtarisht detyrën e re.
Ushtruesi i deritanishëm i detyrës së kryetarit të Komunës, Nexhmi Rudari, ishte pranishëm në ceremoninë e pranim-dorëzimit.
Pavarësisht fushatës elektorale e cila ishte e mbushur me akuza e kundërakuza ndaj njëri-tjetrit, dikur bashkëpartiakët e sot kundërshtarë, biseduan pak para dhe pas pranim-dorëzimit të detyrës.
Ajo se çka ra në sy në përfundim të bisedës, pasi Rudari edhe i falënderoi mediet për përcjelljen e fushatës dhe të këtij momenti, ai e zgjati dorën që t’i flasë Bulliqit, por që ky i fundit refuzoi t’i flasë për dore, me pretekstin se tani i zoti i shtëpisë mysafirin e përcjellë deri tek dera.
Natyrisht që gjatë përshëndetjes së fundit, të dy shtrënguan duart.
Nga zgjedhjet e mbajtura më 29 nëntor, Shpejtim Bulliqi ka marrë 51.9% të votave, që ia mundësuan atij që të bëhet zyrtari i parë që nuk vjen nga LDK e të vendoset në zyrën e kryetarit të komunës.
(Kosova Sot Online)
