Lexoni edhe:
Dënohet me dy vjet burgim pse shkroi në trotuar për protestuesin e vrarë
Qeveria e re e Malit të Zi i referohet Kosovës me fusnotë
Mediat e Malit të Zi po e cilësojnë si një skandal faktin që ministrja e re e Shëndetësisë në Mal të Zi, Jelena Boronoviq Bojoviq, në një dokument me masat anti-Covid i është referuar Republikës së Kosovës me fusnotë, pavarësisht se Podgorica zyrtare e ka njohur pavarësinë e Kosovës.
Dokument i publikuar nga Ministria e Shëndetësisë së Malit të Zi.
Në njoftimet e më hershme gjatë qeverisjes së Milo Gjukanoviq në dokumentacionet zyrtare, në asnjë rast autoritetet malaziase nuk i janë referuar Kosovës me fusnotë.
Qeveria e re e Malit të Zi drejtohet nga Zdravko Krivokapiq, derisa zëvëndëkryeministër është shqiptari, Dritan Abazoviq, i cili ishte vendimtar në rrëzimin e Gjukanoviqit nga pushteti.
Abazoviq ishte zotuar se pozicioni i Podgoricës zyrtare karshi Kosovës nuk do të ndryshonte.
(Kosova Sot Online)
