Lexoni edhe:
Kuvendi i 120 deputetëve nis seancën me vetëm 65 të pranishëm
Rregullatori kinez i aviacionit rekomandon vendosjen e pelenave për t’u mbrojtur nga Covidi
Rregullatori kinez i aviacionit ua ka rekomanduar anëtarëve të ekuipazhit të aeroplanëve që të venbdosin pelena dhe ta shmangin përdorimin e tualetit për ta zvogëluar rrezikun nga infektimi me virusin SARS-CoV-2.
Këshilla e çuditshme ndodhet në pjesën e udhëzimeve të reja për përdorimin e pajisjeve personale mbrojtëse për punëtorët e kompanive të fluturimit, shkruan BBC.
Duke e vendosur këshillën në një dokument me 49 faqe, që përbëhet nga udhëzimet e reja, rregullatori tha se rekomandimet vlejnë për fluturimet “charter” në destinacionet që vlerësohen me rrezikshmëri të lartë nga Covid-19.
Në krye të udhëzimeve të reja për anëtarët e ekuipazhit janë këshillat për përdorimin e maskave, dorezave, kapelave, syzeve mbrojtëse, mbulesa të këpucëve dhe veshje mbrojtëse.
Aeroportet dhe kompanitë ajrore në mbarë botën kanë bërë ndryshime të mëdha për mënyrën e operimit në mënyrë që të pakësohet rreziku nga infektimi për udhëtarët dhe anëtarët e ekuipazhit.
(Kosova Sot Online)
