Lexoni edhe:
Zvicra shton edhe 11 shtete në listën e karantinës
Sot diskutohet për masat e reja
Kryeministri i Kosovës, Avdullah Hoti dhe ministri i Shëndetësisë Armend Zemaj sot do të takohen me këshillin e kryetarëve të komunave për të diskutuar rreth situatës me COVID-19.
Në takimin e sotëm do të diskutohen edhe masat anti-Covid.
Këtë e ka konfirmuar kryetari i Asociacionit të Komunave të Kosovës, Sazan Ibrahimi.
“Sot pasdite do mbahet takimi këshillit të kryetarëve të Asociacionit të Komunave të Kosovës me Kryeministrin e Republikës së Kosovës, z. Avdullah Hoti dhe me ministrin e Shëndetësisë, z.Armend Zemaj për të diskutuar rreth situatës me COVID-19 si dhe për çështje tjera sa i përket masave rreth COVID 19”, ka deklaruar Ibrahimi.
Ndërkohë, kryeministri Hoti të dielën përmes një statusi në Facebook ka deklaruar se bashkë me akterët tjerë në menaxhimin e pandemisë, po përgatiten skenarët për masat e fundvitit.
“Institucionet shëndetësore do të mbesim të mobilizuara. Po përgatisim skenarët për masat e nevojshme për festat e fundvitit kur ka frekuentim më të madh të qytetarëve, përfshirë edhe ardhjen e bashkatdhetarëve”, ka shkruar Hoti.
(Kosova Sot Online)
