Lexoni edhe:
Krejt çka dihet deri tash për vdekjen e Fadil Syleviqit
FOTO/ Të dielën përcillen në banesën e fundit, kush janë 4 viktimat e aksidentit tragjik
Mbrëmja e djeshme shënoi një nga aksidentet më të rënda të ndodhura në Rrugën e Kombit që nga hapja e këtij aksi, ku katër anëtarë të një familje humbën jetën tragjikisht pasi ‘Citroeni’ me të cilin po udhëtonin u përplas dhunshëm me një trajler në aksin Milot-Rrëshen.
Sikundër mësohet viktimat do të varrosen në Tiranë.Homazhet për anëtarët e familjes do të mbahen ditën e nesërme në orën 15:00, ndërsa të dielën në orën 11:00 do të përcillen për në banesën e fundit.
Viktimat e këtij aksidenti sikundër tashmë dihen janë Blerim Avdiaj, 45 vjeç, bashkëshortja e tij, Anjeza Avdiaj, 34 vjeçe, si dhe dy fëmijët Medina Avdiaj, 5 vjeçe dhe nipi i tyre 11 vjeçar, Klejdi Koçi.
Vajza e vetme e mbetur gjallë nga aksidenti është 3-vjeçarja Violeta Avdiaj, e cila është në gjendje kritike në spitalin e Traumës në kryeqytet.
(Kosova Sot Online )
