Labinot Tahiri reagon me dhimbje pas vdekjes së Floriana Musliut

  • S.A /
  • 23 January 2021 - 09:32
Labinot Tahiri reagon me dhimbje pas vdekjes së Floriana Musliut

Këngëtari dhe humanisti kosovar, Labinot Tahiri, ka reaguar me dhimbje pas lajmit për vdekjen e Floriana Musliut, vajzën për të cilën vetëm para pak ditësh nisi iniciativën për grumbullimin e mijëra eurove me qëllim të dërgimit të saj për shërim në Turqi.

Tahiri ka thënë se edhe pas këtij rasti, do të vazhdojë të punojë dhe kërkojë një spital për leukemi dhe sëmundje të rënda.

“Ne edhe pas këtij rasti vazhdojmë ta kërkojmë një spital për LEUKEMI dhe semundjet e rënda, edhe pse mjekêt tanë bêjnë shumë përpjekje me i shpëtuar jetêt tona në vendin tonë!”, ka shkruar Tahiri.

Floriana Musliu ka qenë duke vuajtur nga sëmundja e kancerit.

Reagimi i plotë:

Njoftim për vdekjen e FLORIANA MUSLIUT!

Florina, ne mund të luftonim me gjithcka në jetë, por me caktimin e Zotit  se kur ai vendos të na dêrgojë në botën tjetër , ne nuk mund të luftojmë!

U zgjuan i madh e i vogël pêr ta shpëtuar  shpirtin tënd, por ja që sot shpirti yt do të bëhêt dritë e radhës në një parajsë ku edhe ne një ditë do të jemi me ty!

Vajzë e dashur, shoqe dhe bijë e Milaim Musliut, pushoftë i qetë shpirti yt në botën tjetërë

Shoqeve e shokëve , familjes Musliu, mjekëve dhe mbarë atyre qê u munduan të na ndihmojnë, iu shprehi ngushëllimet më të sinqerta për vdekjen e Floriana Musliut!

Ne edhe pas këtij rasti vazhdojmë ta kërkojmë një spital për LEUKEMI dhe semundjet e rënda, edhe pse mjekêt tanë bêjnë shumë përpjekje me i shpëtuar jetêt tona në vendin tonë!

Labinot Tahiri, KOSOVË E SHQIPËRISË.

(Kosova Sot Online )