Lexoni edhe:
Shpend Ahmeti po shkon kokë ulur nga pozita, shpëlarës i mbi tre miliardave euro para të pista dhe kryetari më i korruptuar në Kosovë!
Zvicra është furnizuar me 500.000 doza vaksine, janë vaksinuar 260.000 veta
Autoritetet federale të martën dhe të premten kanë hasur në probleme. Kështu, BAG-ut ju desh të korrigjonte numrin e dozave të vaksinimit nëpër kantone.
Deri më tani, në Zvicër janë dorëzuar gjithsej pak më shumë se gjysmë milioni (535.115) doza vaksine nga prodhuesit. Kjo u bë e ditur të premten në mbrëmje nga Zyra Federale e Shëndetit Publik (BAG), njofton sda.ch.
Ndërkaq gjithsej rreth 260,000 vaksina nga dy prodhuesit Pfizer / Biontech dhe Moderna janë injektuar deri të mërkurën.
Kjo e ka rritur përqindjen e banorëve të vaksinuar në vend në rreth tre për qind. Me këtë përqindje, Zvicra ndodhet nën mesataren aktuale botërore sa i përket vaksinimit.
Përsëri mospërputhje në numra
Megjithatë, duke përpiluar numrat, autoritetet federale të martën dhe të premten kanë hasur në probleme, trasnmeton albinfo.ch. Kështu, më pas BAG-ut ju desh të korrigjonte numrin e dozave të vaksinimit nëpër kantone, duke e zvogëluar atë.
Edhe me shifrat e publikuara të premten, fillimisht kishte një mospërputhje midis tabelave në tri gjuhët kombëtare dhe në anglisht.
(Kosova Sot Online)
