Vrasësi i Shkëlzen Kastratit, profesionist. Gjendet arma me silenciator. Plumbi që i mori jetën objektivit

Shkëlzen Kastrati u vra nga një person, i cili duket se ka qenë mjaft profesionist. Siç mëson abcnews.al, viktima ka marrë një plumb në kokë, i cili i ka shkaktuar vdekjen e mënjehershme duke qenë në timon.

Pas ngjarjes, autori është larguar me një makinë tip “Range Rover”, e cila u gjet më pas e djegur në fshatin Daullas të Fierit. Policia ka gjetur brenda makinës një armë tip “Scorpion” me silenciator, e cila dyshohet se është përdorur nga autori.

https://www.youtube.com/watch?v=vfRoBKsvuEU&feature=emb_title

Shkëlzen Kastrati është një emër i njohur për policinë, ndërsa vëllait të tij Kelmendit i kanë bërë një atentat në janar të vitit 2016.

Në këtë atentat mbeti i vdekur Denis Kasaj, ndërsa u plagosën Kelmend Kastrati dhe Elton Margariti.

Në atë kohë, policia arrestoi edhe një agjent të SHISH-it pasi dyshohet se ai siguronte të dhëna mbi lëvizjet e Kelmend Kastratit duke çuar në kryerjen e atentatit.

Njoftimi i policisë

Fier
Informacion paraprak

Sot rreth orës 10:30, në vendin e quajtur “Ura e Sheqit”, një shtetas i paidentifikuar, ka vrarë me armë zjarri shtetasin Sh. K., i cili ka qënë në automjetin tip “Benz”.

Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”.

Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit.

https://www.youtube.com/watch?v=-6lpGr1wrvM&feature=emb_title

(Kosova Sot Online)