Lexoni edhe:
POLITIKA MAFIOZE që kontrollon (PA) DREJTESINË, i frikësohet REFORMËS së thellë me ligjin VETTING!
Vritet me breshëri plumbash një 40-vjeçar
Një ngjarje e rëndë ka ndodhur në Vlorë, ku një 40-vjeçar është qëlluar me armë zjarri dhe ka ndërruar jetë në spital.
Gentian Qarri ka qenë duke ecur në këmbë në lagjen “29 Nëntori”, ndërsa autorët kanë qëlluar nga makina e më pas janë larguar nga vendi i ngjarjes.
Qarri është shoqëruar në ambientet e spitalit nga kalimtarët e rastit ku edhe ka ndërruar jetë nga plagët e marra.
Pas atentatit, një makinë tip “Toyota” është djegur në Pyllin e Sodës dhe në bagazhin e saj është gjetur një automatik, duke ngritur dyshime se është e autorëve.
Pista kryesore e vrasjes së 40-vjeçarit të vrarë, është e shkuara e tij kriminale. Ai ka bërë 11 vite burg në Itali për trafikim narkotikësh, ndërkohë që në Vlorë punonte si teknik kondicionerësh.
Po ashtu, sipas policisë deri në këto momente nuk ka persona te shoqëruar për vrasjen.
(Kosova Sot Online)
