Lexoni edhe:
A do të jepte dorëheqje për shkak të rezultatit të dobët në zgjedhje, përgjigjet Haradinaj
Shpërthen zjarri në gjeneratorin e një restoranti në Ferizaj
Në një restoran në Ferizaj ka shperthyer zjarr në orët e mbrëmjes.
Lidhur me rastin detaje ka dhënë zëdhënësi i policisë për rajonin e Ferizajt Kanun Veseli.
“Sonte rreth orës 19:15 policia ka marrë një informacion se është një incident zjarri në rrugën e Reçakut, këtu në Ferizaj. Njësitet e reagimit kanë dalë menjëherë në vendin e ngjarjes, të shoqëruar edhe nga njësitet e hetimit të stacionit. Po ashtu në vendin e ngjarjes kanë dalë edhe njësiti i zjarrfikësve dhe ekipet e KEDS-it, të cilët menjëherë e kanë ndërprerë rrymën dhe zjarrfikësit e kanë shuar zjarrin.Ka qenë një kontraktor i lidhur për gjeneratori në një restoran”, tha Veseli.
Ai theksoi se rreziku nga ky zjarr ka qenë potencial, por është intervenuar shumë shpejtë dhe është shuar zjarri.
“Po, faktikja ka qenë aty se restorani është afër pompës së derivateve. Por, zjarri ka shpërthyer prapa objektit. Rreziku ka qenë potencial, por fatmirësisht zjarri është shuar shpejtë”, tha ai.
Para dy muajsh në një nga restorantet e këtij qyteti kishte shpërthyer një bombolë gazi, ku kishte lënë mbi 46 persona të lënduar, por fatkeqësisht në mesin e tyre kishte edhe të vdekur.
(Kosova Sot Online)
