Lexoni edhe:
Kryeministri Kurti ta mbaj premtimin e dhënë, kundër krimit të organizuar dhe korrupsionit, me VETING për drejtësi të pastër
Vendimi i Agim Veliut për largimin nga puna të vozitësit – u raportua se ndodhi për shkak të Lumir Abdixhikut
Ministri i Punëve të Brendshme dhe Administratës Publike, Agim Veliu, e ka larguar nga puna shoferin e tij, Nuhi Imerin, me të cilin punonte që nga paslufta. Imerit i është ndërprerë marëdhënia e punës vetëm një ditë pas zgjedhjeve në Lidhjen Demokratike të Kosovës.
Media ka siguruar vendimin për shkëputjen e kontratës së Imerit me Ministrinë e Punëve të Brendshme dhe Administratës Publike.
Vendimi është nënshkruar më 15 mars, derisa në të nuk shkruhet arsyeja e shkëputjes së kontratës.
“Z.Nuhi Imerit, i ndërpritet marrëdhënia e punës si vozitës i Ministrit të Ministrisë së Punëve të Brendshme, z.Agim Veliu. Obligohet DRNJ e Ministrisë së Punëve të Brendshme për zbatimin e këtij Vendimi”, thuhet në vendim.
Ndryshe, në media është raportuar se Veliu e ka shkarkuar Imerin, shkaku që ky i fundit ka lobuar që për pozitën e kreut të LDK’së të votohet Lumir Abdixhiku.
Media ka provuar që të kontaktojë edhe me vetë Imerin për të mësuar arsyen pse i është ndërprerë marëdhënia e punës, por i njëjti nuk iu është përgjigjur thirrjeve.
(Kosova Sot Online)
