Liberalizimi për Kosovën, Deputetja Alt – Maas-it: Fjalët s’mjaftojnë, flisni direkt me Francën dhe Holandën
Deputetja gjermane, Renata Alt, ka reaguar pas deklaratave të kryediplomatit gjerman, Heiko Maas, të bëra gjatë vizitës në Prishtinë, rreth liberalizimit të vizave për qytetarët e Kosovës.
Alt ka thënë se liberalizimi i vizave për Kosovën është vonuar, dhe se fjalët nuk janë më të mjaftueshme. Ajo ka thënë se Gjermania duhet të insistojë në biseda të drejtpërdrejta me Francën dhe Holandën për këtë çështje.
“Liberalizimi i vizave për Kosovën është vonuar. Fjalët nuk janë më të mjaftueshme këtu. Gjermania duhet të kërkojë bisedime të drejtpërdrejta me Francën dhe Holandën”, ka thënë Alt, pasi Maas në Prishtinë ka deklaruar se Kosova ka përmbushur kushtet për liberalizimin e vizave.
Derisa për qëndrimin rreth lëvizjes së kufijve, Alt ka thënë se është një sinjal i duhur.
“Sinjal i duhur nga Maas. Rreziku nga lëvizjet e kufijve duhet të diskutohet hapur”, ka shtuar ajo.
Richtiges Signal von BM #Maas, Gefahr von #Grenzverschiebungen auf #Balkan offen zu thematisieren. #Visaliberalisierung mit #Kosovo ist überfällig. Hier reichen Worte nicht mehr aus. BReg sollte auf direktes Gespräch mit Frankreich & Niederlande pochen! https://t.co/9QIogGEjXM
— Renata Alt (@RenataAlt_MdB) April 23, 2021
(Kosova Sot Online)
