Lexoni edhe:
Nëse e shihni këtë person, lajmërojeni menjëherë policinë
Shqyrtimi i masave anti-Covid, komunat thonë se s’janë kontaktuar fare
Qeveria e Kosovës do të shqyrtojë sot masat e përgjithshme dhe të veçanta për parandalimin e masave anti-Covid. Por, për këto masa s’janë informuar fare Asociacioni i Komunave të Kosovës.
Kryetari i AKK’së, Sazan Ibrahimi, i ka thënë se s’janë kontaktuar fare për këto masa.
Madje, lajmin se sot do të ketë shqyrtim të masave, ka thënë se e ka marrë vesh nga mediat.
“Përkundër që jemi dakordu me Ministrin Vitia që sa herë të ketë shqyrtim të masave të dakordohemi paraprakisht, për sot s’jemi kontaktuar fare. Lajmin e kemi marrë vesh nga mediat”, ka thënë Ibrahimi.
Ndyrshe, Qeveria e Kosovës sot pritet të shqyrtojë masat për parandalimin e përhapjes së pandemisë COVID-19.
Kjo është një prej pikave që figuron te rendi i ditës për mbledhjen e sotme të Qeverisë, dokument ky i publikuar në media.
“Shqyrtim i Propozim-vendimit për ndryshimin dhe plotësimin e Vendimit të Qeverisë nr. 01/07 të datës 18.04.2021, për masat e përgjithshme dhe të veçanta për kontrollin, parandalimin dhe luftimin e pandemisë COVID-19”, thuhet në pikën 2 të rendit të ditës.
Mbledhja e Qeverisë ka nisur në orën 15:00.
(Kosova Sot Online)
