Mbi 45 mijë njerëz aplikuan në një konkurs për të vrarë këto kafshë

Mbi 45 mijë amerikanë kanë aplikuar në një “konkurs” me shpresën për të fituar një shans për të qëlluar bizonë në Grand Canyon, Arizona.

Shërbimi i Parkut Kombëtar të SHBA-së ka thënë se vetëm 12 vende janë vakante për fituesit që do të ndihmojnë në vrasjen e kafshëve.

Vendimi për vrasjen e tyre vjen pas raportimeve se popullata e bizonëve ishte bërë shumë e madhe dhe se kishin shkelur burime arkeologjike dhe për të parandaluar dëmtimin e mjedisit.

Pavarësisht se kjo punë kërkon ngjitjen në një lartësi prej 2438 metrash dhe vështirësi të tjera, njerëzit janë shumë entuziastë për të marrë pjesë.

Deri në vitin 2025, Shërbimi i Parkut Kombëtar thotë se do të zvogëlojë madhësinë e tufës së bizonëve të paktën në nën 200, në mënyrë që të mbrojë burimet e parkut nga ndikimet e popullatës.

(Kosova Sot Online)