Lexoni edhe:
David Philips: Vetëm SHBA-ja ka fuqi të shtyjë përpara marrëveshjen me Serbinë
Ramush Haradinaj për Albin Kurtin: Prej kujt po ikë kryeministri ynë, a mos po fshihet edhe prej Serbisë
Kryetari i AAK-së, Ramush Haradinaj ka komentuar qëndrimin e kryeministrit të Kosovës, Albin Kurti karshi dialogut me Serbinë.
Në seancën që po mbahet në Kuvendin e Kosovës, Haradinaj thotë se Kurti po fshehët nga dikush, por që nuk e dinë se nga kush po ikë.
“Është një ikje dhe një fshehje, pra sot nuk kemi para nesh kryeministrin e Kosovës, që të kemi një udhëheqës që nuk e di pse por e ka zgjedh ikjen dhe fshehjen. Nuk e kam të qartë prej kujt po i ikë e prej kujt po fshehët, a po ikë prej Vetëvendosjes, pra ndaj kauzës që ka ndërtuar ndër vite, ndaj njerëzve që i kanë besu.
Për fat të keq, nuk e di Vetëvendosje a e kupton më liderin e vetë, nuk besoj që e kuptojnë”, tha Haradinaj.
Ai madje aludon duke thënë se mos po fshihet nga Serbia.
“Kam bindjen që është ka fshehët edhe nga opozita e sotme, të cilën e ka cilësuar si tradhëtare, si të dëmshme. Sot na raportoi për një numër të madh të marrëveshjeve të opozitës së mëhershme, gati u kthy zëdhënës të pushtetit të mëhershëm.
Prej kujt tjetër po fshihet kryeministri ynë, a mos po fshihet edhe prej Serbisë, mos Serbia për një arsye të caktume ka ndonjë fuqi mbi kryeministrinë tonë që nuk e lejon vetes me marrë qëndrimin e qartë në këtë moment kritik para takimit me Presidentin e Serbisë’, shtoi Haradinaj.
(Kosova Sot Online)
