Papa udhëheq lutjet nga ballkoni i spitalit ku po qëndron

Papa Françesku u shfaq në publik për herë të parë që kur iu nënshtrua operacionit për një problem në zorrën e trashë, një javë më parë.

Duke qenë në gjendje të mirë shëndetësore, Papa, 84 vjeç, udhëhoqi lutjet javore nga një ballkon i Spitalit Gemelli në Romë.

Lexoni edhe:

'Do të vras, do hap një gropë dhe do të hedh', si shfrytëzohen dhe kërcënohen qytetarët

Qindra njerëz u mblodhën jashtë spitalit.

“Jam i lumtur që jam në gjendje të mbaj takimin e së dielës Angelus edhe nga këtu”, i tha Papa turmës.

“E kam ndjerë thellësisht afërsinë tuaj dhe mbështetjen e lutjeve tuaja. Faleminderit nga zemra”, tha ai.

Disa fëmijë pacientë u shfaqën së bashku me Papën në ballkon.

Nuk është ende e qartë se sa kohë do të qëndrojë ai në spital.

Vatikani tha se Papa i është përgjigjur mirë trajtimit.

Papa Françesku do ta vizitojë Hungarinë dhe Sllovakinë.

(Kosova Sot Online)