Lexoni edhe:
Pamje nga momenti kur kosovarët i ikin radarit të policisë, po shkonin drejt Vlorës me shpejtësi 225km/h
40-vjeçari rrëzohet për vdekje derisa ishte duke u ngjitur në mal me djalin 9-vjeçar të fejuarës së tij
Utah, një 40-vjeçar është rrëzuar për vdekje teksa ishte në një udhëtim hiking me djalin 9-vjeçar të të fejuarës së tij.
Adrian Vanderklis mori djalin për tu ngjitur në mal nëpërmjet kanionit Provo pranë ujëvarës Bridal Veil ditën e shtunë, por fatkeqësisht ka vdekur.
Trupi i tij u gjet në një lartësi 1,767 metër në një pjerrësi gati vertikale.
Oficerët e policisë morën një telefonatë në orën 19:00, kur e fejuara e Vanderklis, Shantell Taylor telefonoi për të raportuar se kishte disa orë që nuk e kishte parë. Ndërsa i biri mbeti i vetëm në mal dhe e ëma mund ta shihte djalin e saj nga poshtë teksa qante dhe rrinte vetëm.
Ekipet e shpëtimit nisën ta kërkonin atë natë, por operacioni u shty për shkak të errësirës. Trupi i pajetë u gjet nga një ekip me helikopter gjatë ditës së diel dhe nga autopsia rezultoi se oficerët ishin të bindur që Vanderklis ka vdekur menjëherë për shkak të lëndimit të tij.
Mbetet e paqartë se si është rrëzuar, ndërsa autoritetet dyshojnë se ka rrëshqitur. Mediat britanike bëjnë me dije se në momentin e incidentit, 9-vjecari nuk e pa rënien e Vanderklis.
(Kosova Sot Online)
