Taxhikistani mobilizon 230.000 trupa shkaku i talibanëve

  • A.P /
  • 22 korrik 2021 - 16:00
Taxhikistani mobilizon 230.000 trupa shkaku i talibanëve

Taxhikistani ka thënë se i ka vënë të gjitha forcat e armatosura në gjendje të lartë gatishmërie për luftime dhe ka zhvendosur mijëra trupa në kufi me Afganistanin për pas avancimit të talibanëve në zonën kufitare të Afganistanit.

Me urdhrin e Presidentit Emomali Rahmon, shteti i Azisë Qendrore ka mobilizuar 100.000 ushtarë aktivë, 130.000 ushtarë e oficerë rezervistë si dhe agjencitë e zbatimit të ligjit për ushtrimin e së enjtes. Ky është ushtrimi më i madh në historinë 30-vjeçare të Taxhikistanit të pavarur.

Përpos kontrollimit të gjendjes së gatishmërisë, 20.000 rezervistë janë dërguar në kufirin Taxhikistan – Afganistan për të shërbyer si përforcim për rojat kufitare, shkruan Free Europe.

Javët e fundit, talibanët kanë marrë nën kontroll pjesë të mëdha të Afganistanit, përfshirë disa pikëkalime kufitare, duke detyruar shumë oficerë afganë që të ikin nga vendi. Këto zhvillime kanë ardhur pas tërheqjes së trupave të huaja nga Afganistani.

Autoritetet e Taxhikistanit thonë se mbi 900 kilometra të kufirit të Afganistanit me Taxhikistanin janë tash për tash nën kontrollin e talibanëve.

Edhe forcat ruse, të cilat kanë një bazë ushtarake në Taxhikistan, planifikojnë të zhvillojnë ushtrime të përbashkëta ushtarake me Taxhikistanin dhe Uzbekistanin në datat 5 deri më 10 gusht.


(Kosova Sot Online)