Lexoni edhe:
Skandali i tiketës me vendim të Liburn Aliut e Hysen Durmishit, godet rëndë me votë në zgjedhjet e 17 tetorit
Humbin jetën në aksident një 16-vjeçare dhe një 23- vjeçar, shkak shpejtësia e “BMW”
Janë përgjakur sërish rrugët e vendit. Dy të rinj, një djalë 23-vjeç, ndërsa vajza vetëm 16-vjeçe, kanë gjetur vdekjen si pasojë e një aksidenti të rëndë të ndodhur në aksin Shkodër-Velipojë.
Bëhet me dije se ngjarja e rëndë është shënuar rreth orës 02:45, teksa ata udhëtonin me një shpejtësi tepër të madhe me një makinë tip “BMW”.
Ndërkohë si rezultat i një kthese në rrugë, makina ka dalë jashtë kontrollit dhe për pasojë dy të rinjtë kanë gjetur vdekjen.
Njoftimi i policisë:
Shkodër- Me datë 31.07.2021 rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, si rezultat i shpejtesisë në kthesë, një mjet tip BMW, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit A. P. 23 vjeç banues në fshatin Mali Jushit, Shkodër dhe pasagjerja shtetasja D. T. 16 vjeçe banuese në lagjen Perash, Shkodër
Grupi hetimor nën drejtimin e Prokurorisë po vijon punën për sqarimin e plotë të rrethanave të aksidentit
(Kosova Sot Online)
