Lexoni edhe:
Bjellorusia ia refuzon ambasadoren ShBA-së dhe ia kufizon stafin në 5 persona
Stafi mjekësor në qendra të vaksinimit furnizohet me ujë të Serbisë
Qendra e vaksinimit në Pejë është furnizuar sot me ujë të ambalazhuar të Serbisë.
Stafi mjekësor në qendrën e vaksinimit në këtë komunë, është furnizuar me ujë “Rosa”, i cili është nga Serbia.
E për këtë, drejtori i Shëndetësisë në Pejë, Petrit Loci është shprehur i painformuar.
Ai ka thënë se furnizimin e qendrave të vaksinimit në Pejë me ujë e bën komuna.
Loci ka deklaruar se ditën e nesërme do të angazhohet për të kuptuar nëse stafi mjekësor është furnizuar me ujë nga Serbia, e nëse sipas tij një gjë e tillë del të jetë e vërtetë, ai do të merr masa.
“Vet komuna e siguron atë. Ne i kemi operatorët, uji nuk e di tani se çfare është, por e kemi ujin e Kosovës. Zakonisht prej operatorit furnizohemi. Unë nesër do ta verifikoj këtë informacion dhe do të marrë masa nëse ka diçka të tillë”, ka deklaruar ai.
Ndërsa, nga Ministria e Shëndetësisë jozyrtarisht kanë thënë për gazetën se komunat i furnizojnë me ujë qendrat e veta, ndërsa furnizimin me ujë e kanë bërë shpesh herë edhe donatorët.
Kujtojmë që numri i të vaksinuarve kundër COVID-19 ka shkuar në 346 mijë e 746.
Ndërsa, 174 mijë e 991 persona deri tani kanë marrë të dy dozat e vaksinës.
(Kosova Sot Online)
