Lexoni edhe:
Krimi i organizuar në Kosovë po funksionon më mirë se shteti i kapur nga krimi!
Xhyldane Kiçmari shkarkohet nga pozita e anëtares së Bordit në KOSTT
Xhyldane Kiçmarin është shkarkuar sot nga pozita e anëtares së Bordit të Ndërmarrjes Publike të KOSTT-it.
Për largimin e saj nga kjo pozitë votuan 68 deputetë, teksa 10 abstenuan.
Nënkryetarja e Komisionit për Ekonomi, Jeta Statovci, , ka thënë që Kiçmari është e punësuar edhe në Agjencinë e Shërbimeve të Navigacionit Ajror në pozitën drejtore e njësisë së auditimit të brendshëm.
Më tutje ajo tha se kanë pranuar një njoftim nga Agjencinë Kundër Korrupsion, për fillimin e procedurës për shqyrtimin e gjendjes konflikt interesi.
Sipas Statovcit, komisioni ka kërkuar nga Kiçmari se bazuar në ligjin për konflikt të interesit në ushtrimin e funksionit publik të deklaroj deri më 6 gusht 2021 se cilën pozitë do ta ushtroj, në mënyrë që të shmang situatën e konfliktit të interesit.
“Më 6.08.2021 me një email iu drejtua kryetarit të Kuvendit ku tha se do t’i ushtroj dy pozitat. Në vend se t’i ndërmerr veprimet e nevojshme për të shmang konfliktin e interesit, ajo kërkoi nga Kuvendi të caktohet kompensim për punën e saj”, tha Statovci.
Në ndërkohë Kuvendi i Kosovës sot ka votuar për Raportin me Rekomandime lidhur me problemet e evidentuara në Ndërmarrjen Publike KOSTT.
Për votuan 64 deputetë, 15 kundër dhe asnjë abstenim.
(Kosova Sot Online)
