Lexoni edhe:
Qeveria e Kosovës për çështjen e afganëve: Jemi në komunikim me amerikanët, gjithçka do të përmbyllet mirë
Gjobiten 117 qytetarë për mosrespektim të masave kundër pandemisë
Policia e Kosovës po shqiton gjoba ndaj gjithë atyre që nuk po respektojnë ligjin Anti-COVID.
Policia e Kosovës njofton se gjatë 24 orëve të fundit ka shqiptuar gjoba ndaj 117 qytetarëve të cilët nuk kanë respektuar masat Anti-COVID.
Gjatë kësaj kohe policia ka shqiptuar edhe 1 mijë e 298 gjoba për mosrespektim të rregullave në trafik.
Ligji për parandalimin dhe luftimin e pandemisë së COVID-19, është miratuar në muajin gusht të vitit të kaluar. Gjobat për mosrespektim të këtij ligji fillojnë nga 35 deri në 2.000 euro, varësisht nga shkeljet.
Nga dita e shtunë, 14 gusht Policia e Kosovës ka bërë të ditur se do të jetë aktive në realizim dhe zbatimin masave të reja në luftën kundër pandemisë së koronavirusit, të cilat janë vendosur më 12 gusht nga Qeveria e Kosovës.
Në mesin e masave, bartja e maskës është bërë e obligueshme, përveç rasteve kur një person ec vetëm në ambient të jashtëm, gjatë ngasjes së automjetit vetëm apo në grup me jo më shumë se katër persona, apo gjatë ushtrimeve fizike
(Kosova Sot Online).
