Lexoni edhe:
Qeveria merr vendim për strehimin e afganëve në Kosovë
Në Lugano me Rugovën / Haliti: Ndejtëm tre ditë e tre netë, më tha unë s’i dal kundër luftës
Në rrëfimin për emisionin Pressing, Xhavit Haliti ka treguar çfarë i kishte thënë ish-presidenti Ibrahim Rugova në një rast, kur e kishte pasur rastin të rrinë së bashku për tre ditë e tre netë në Lugano të Zvicrës.
Haliti ka thënë se Rugovën e konsideron mik të tijin, por ka thënë se në aspektin organizativ nuk është pajtuar asnjëherë me të. Ai ka kujtuar edhe fjalët e tij, kur i kishte thënë që s’do ta pengojë e as të dalë kundër luftës së armatosur.
“Me Rugovën njëherë kemi ndejtë tre dite e tre natë bashkë në Lugano dhe jemi takuar pastaj prapë disa herë. Rugovën e njoh si mik timin, por organizativisht s’jam pajtu kurrë me të. Na kemi qenë për me lëvizë puna. Përgjigja e tij ka qenë shiqo nuk është mirë me thënë që ke folë për çështje lufte, por unë s’ju pengoj. Unë s’dal kundër publikisht, por s’dua ta lë rrugën time”, ka rrëfyer Haliti për takimin me Rugovën në vitet ’90.
(Kosova Sot Online)
